ڈاکٹر نصیر احمد اسد کی تصنیف ’’ارضِ اقبال آ فاقیت کے آ ئینے میں‘‘تحقیقی و تنقیدی دونوں پہلو لیے ہوئے ہے۔ تقابلی مطالعے ، اسلوبیاتی جائزے،تجزیے اور دیگر تحقیقی موضوعات جہاں اُردو ادب کے منظر نامے کو سمجھنے میں مدد دیتے ہیں، وہاں دوسری زبانوں کے منتخب موضوعات پر سیر حاصل گفتگو سے اردو زبان و ادب کو ایک معنوی وسعت عطا کرتے ہیں۔ سارے مضامین اپنی نوعیت میں تنقیدی ہوتے ہوئے بھی تحقیقی ہیں۔
     یہ جو کہا جاتا ہےکہ ’’ہر نقاد کے لئے ضروری ہے کہ اس کے اندر ایک محقق بھی ہو،اور ہر محقق کے اندر ایک نقاد ہو‘‘، یہ بات ڈاکٹر نصیر احمد اسد پر پوری اترتی ہے۔ان کے مضامین میں یہ دونوں ذائقے موجود ہیں اور اس خوبصورتی کے ساتھ کہ یہ احساس نہیں ہوتا کہ تنقید کہاں رک کر تحقیق میں اور تحقیق تنقید میں بدل جاتی ہے۔
    ان کی تحریر میں تحقیقی اور تنقیدی دونوں کے اسالیب کا امتزاج موجود ہے ۔اپنے موضوعات کے تنوع کی وجہ سے یہ تخلیق اُردو قاری کے لیے بڑی معنوی و فکری وسعت لیے ہوئے ہے۔
پروفیسر ڈاکٹر غلام عباس گوندل
ماہر لسانیات ،ڈین فیکلٹی آف آ رٹس اینڈ ہیومینیٹیز ،
 یونیورسٹی آ ف سرگودھا