فقیر بستی میں تھا

                ناطق نے ایم فل اردو منہاج یونیورسٹی لاہور سے کیا اور ان کا مقالہ محمد حسین آزاد پر تھا۔ اسی مقالہ کو انہوں نے دوبارہ تھوڑا تبدیل کرکے ایک نئے نام سے شائع کروایا یعنی فقیر بستی میں تھا یہ ایک سوانحی ناول ہے جسے انہوں نے اپنی تخلیقی مہارت کے ذریعے ایک نیا روپ دیا۔ ’’فقیر بستی میں تھا‘‘عکس پبلی کیشنز لاہور نے 2019ء میں چھاپا۔ناطق نے نہایت خوبصورتی سے اس کتاب کو 45 حصوں میں تقسیم کیا ہے اور اپنے ہر ایک عنوان میں آزادزندگی کا پہلو بیان کیا گیا ہے۔کتاب کا انتساب آغا سلمان باقر کے نام لکھاہے۔کتاب نہایت مہارت سے لکھی گئی ہے پڑھتے ہوئے محسوس ہوتا ہے کہ لکھنے کیلئے کہاں کہاں کی خاک چھانی گئی ہوگی۔انہوں نے  آزاد کی شخصیت کے تمام پہلوؤں پر روشنی ڈالی ہے ۔ایسا محسوس ہوتا ہے کہ ناطق کی طرح قاری بھی کتاب پڑھ کر آزاد کا عاشق بن جائے گا۔اس ضمن میں شہناز نقوی لکھتی ہیں :

’’مجھے یوں محسوس ہوا جیسے میں کوئی seasonsدیکھ رہی ہوں ، عمدہ طرز بیان کو پڑھنے والا بھی مولانا آزاد کے ساتھ ساتھ خود کو محسوس کرنے لگتا ہے۔کتاب کا اسلوب اتنا پرکشش ہے کہ قاری کو کہیں بھی بوجھل پن محسوس نہیں ہوتا ورنہ تحقیقی کتب پڑھناذرا مشکل مرحلہ ہوتا ہے۔‘‘(15)

                انہوں نے آزادکی  زندگی کو اس طرح لکھا کہ قاری بھی آزاد کا دیوانہ ہوجائے ناطق نے خود بھی آزاد کی کتاب جب آب حیات پڑھی تھی تو بار بار اس کتاب کو تقریباً چالیس مرتبہ پڑھا،اسی لیے ایم فل اردو میں اس عنوان پہ مقالہ تحریر کرنے کا فیصلہ کیا۔