گھگھی تے پیسے

اک واری دی گل اے کہ اک ٹاہلی اتے اک گھگھی نے آہلنا پایا ہویا سی۔ اوس نے انڈے دتے جنہاں وچوں دو بہت ای سوہنے بچے نکلے۔ گھگھی بہت خوش سی۔ اوہ بچیاں لئی کول دے کھیتاں وچوں دانے اکٹھے کر کے لیاندی۔ انج کئی دن ہو گئے۔ ہن اوہدے بچے کجھ سیانے ہو گئے سن۔

اک دن اوس نوں کسے تھاں توں پیسیاں والی پوٹلی لبھی۔ اوس ایہہ پیسے اپنے آہلنے وچ لیا کے رکھ دتے۔ اک دن پنڈ دا اک منڈا گھگھی دے بچے آہلنے وچوں کڈھن لئی درخت اتے چڑھیا۔ اوس نوں پیسیاں والی پوتلی نظر آئی۔ اوس پوٹلی چکی تے تھلے اتر آیا۔ جدوں گھگھی واپس آئی تاں اوہ پوٹلی اوس نوں نظر نہ آئی تاں اوہ آکھدی اے کہ ’’کوگوں کوں کوئی بھکھا مار دا میرے پیسے لے گیا۔‘‘ اوہ منڈا تھلے کھڑا گھگھی دی ساری گل بات سن رہیا ہوندا اے۔ اوہدی گل سن کے اوس نوں بہت غصہ آندا اے۔ اوس اک وتا چک کے گھگھی دے ماریا جو اوہدے سر وچ لگا تے اوہدا سر پاٹ گیا۔ اوہ آکھدی اے کہ ’’کوگوں کوں، اسیں لال پراندے پائے نیں‘‘ اوہدا زخم ٹھیک نئیں ہوندا۔ اوہدے وچ کیڑے پے جاندے نیں تے اخیر اوہ مر جاندی اے۔ فیر اوس نوں نہوا کے کفن پایا جادنا اے تے دفن کر دتا جادنا اے۔