رشتے برائے فروخت

آئو …آئو…خدا کے بندو!

عیش کے فرزندو

میں تمھیں آج ایک چیز دکھائوں

ایک انوکھی ،تمھارے مطلب کی چیز

جس سے تمھیں سکون ملتا ہے

اور لبوں پہ طنزیہ مسکراہٹیں سجتی ہیں

یہ لیجیے……!

مفاد پرستی کی محبت

 حسدکی آگ میں جلتے رشتے

ایذا کے کیچڑ میں لتھڑے رشتے

آنسو بہاتے اور سسکتے رشتے

پتھر کی طرح سخت ،مگر کانچ سے نازک رشتے

بانسری کی طرح کھو کھلے ،عداوت کے سُر نکالتے رشتے

پیاروں کے خون میں رنگے رشتے

جن کا کوئی نعم البدل نہیں

خلوص کا زہر اگلتے رشتے

ایسا زہر جس کا کوئی تریاک نہیں

سب …لے جائو

اور بدلے میں چند مسکراہٹیں دے جائو

جو ان رشتوں کے باعث چھن گئی ہیں

چند خوشیاں دے دو

جو ادھوری خواہشوں کی مانند چبھ رہی ہیں