ایک بے لذت خواب

آ تجھے نیند میں بھیگے ،مہکتے راستے سے لے جائوں

رفتہ رفتہ او نگھ کے ہچکولے لیتے ہوئے

کہیں دور …بہت دور

اپنے دل کے پاس

جب دل کی دھڑکن تیز  ہو گی

توبنا کسی آہٹ کے ،تجھے خواب کی وادی میں اتار لوں

یہ وادی تیرے بدن کی خوشبو سے  مہک اٹھے گی

جب آنکھوں پہ کیف و سرور کی چلمن گر پڑے گی

جب سانسیںجذبات  کے پسینے سے شرابور ہوں گی

تو خواب کی اس وادی میں

چاہت کے اطلسی نر م و ملائم فرش پر

دو منکر روحیں آگ لگائیں گی

 ساری وادیجل جائے گی 

فقط راحت کی راکھ بچے گی

جو افسوس کی ایک آندھی چلنے پر

فضا کے ذروں میں مل جائے گی