چار پہیے اور گھر

یہ چار پہیوں پہ گھو منے والے

پورا گھر اٹھائے پھرتے ہیں

جو خود پہ فخر کرنے والوں کے ضمیروں کی طرح ساکت ہیں

 یہ گیراج میںمو جو د نہ ہوںتو اُنہیں گھر ،گھر نہیں لگتا

ان کے دل بھی خالی گیراج  ہیں

جن میں جذبات نہیں

ان کے اجڑے مکانوں کی چھتوں کے ساتھ

 نفرت کے جالیلٹکتے ہیں

جن میں یاس و حسرت کی مکڑیاںر قص کناں ہیں

 بوسیدگی کا پیراہن تن پہ سجائے ان کی دیواریںفریاد کرتی ہیں

کہاں مر گئے ہم میں بسنے والے ؟

کیا ہو ئے ہمیں بنانے والے؟

 احساس کا پلستر گر نے سیبرہنہ ہوتیہوئی دیواریں

ان کے کردار اورسوچ کی مانند

 اس کے برعکسکچھ مکان ایسے ہیں

جن کی دیواروں میںگارے اوراینٹوں کی دراڑیں مسکراتی ہیں

کم مائیگی کی ماری سہمی ہوئی دیواروں کے سوراخوں میں

محبت کے دیپ جلتے ہیں

جن کی لو ہمدردی کے جذبات سے روشن ہے

ان بے چھت گھروں کے مکینوں کی آنکھوں میں

گردشِ حالات کا سورج آنکھیں نہیں ڈال سکتا

یہاں ہمت کی فصیلیں ہیں

جو بغض کی آندھی اور عداوت کے طوفان سے

ٹکرانے کا حوصلہ رکھتی ہیں

محبت، خلوص، احساس، ہمدردی

یہ چار پہیے ہیں جن پہ یہ گاڑی رواں دواں ہے