غم کی بارشیں

اس سے پہلے کہ میری آنکھوں کوتیرے غم کی بارش بھگوتی

میری روح بھیگ چکی تھی

سانسوں میں دندانے اور جگر چھلنی تھا

تم نے مجھے اس اذیت سے آشنا کرایا

جسے ابھی میری جاں سہنے کے قابل نہ تھی

غم کی بارشیں کہاں روز ہوتی ہیں

مجھے تو بس ان گلاب کی پتیوں کی خبر تھی

جو تیرییادوں کی گور پہ ڈال آیا تھا

 اگر ہو سکے خدا سے سفارش کر دینا

میں اپنا سازو ساماں باندھے بیٹھا ہوں

تو ادھر سے کوئی ایسا قافلہ  بھیج

جو مجھے اس پار لے آئے

کہیں یہ بارشیں میراسا زو سامان بہا نہ لے جائیں

جس میں صرف تیری یادیں ہیں