بیزارچھپکلیاں
سادہ لو ح پتنگے نگلتی چھپکلیاں
جگہ جگہ زہر اگلتی ہوئی
سیاہ رات میں بے خبر رینگتی چلی جاتی ہیں
خود کو آزاد سمجھ رہی ہیں
شب کی سولی پہ لٹکتی یہ بیزار مخلوق
اپنے جسموں کی نمائش سے بے پروا
مکاری کے نقاب پہنے
آنکھوں میں آنچلوں کے رنگ لہراتے ہوئے
جنھیں محافظ سمجھ کر بانہوں میں جھول رہی ہیں
انھیں خبر نہیں
وہ ہوس کے زہریلے سانپ ہیں
جو ان کے حسن کا سارا خزانہ ایک ہی سانس میں نگل جائیں گے
ان کی سادگی نوچ لیں گے
زندگی نوچ لیں گے