یہ پیار کیاہوتا ہے…؟

دل کے آنگن میں یادوں کے پیڑتلے

 اک تڑپ سربہ زانواداس بیٹھی تھی

درو دیوار اسے مبارک باد دے رہے تھے

اس کی کو کھ میں ایک ننھا سا قطرہہے 

جو اب ایک قلزم بنتا جا رہا ہے

 یادوں کی تیز ہوا  چلتی ہے

تواس قلزم میںاضطراب پیدا ہوتا ہے

یادیں سب پردے چیرتے ہوئے اسیری سے نکل آتی ہیں

 قلزم خود ہی اپنا راستہ بنالیتا ہے

اور ضبط کی فصیلوں کو اپنے ساتھ بہا لے جاتا ہے

جیسے ہی اس قلزم کا پہلا قطرہ چشمِ حزیں سے ٹپکتا ہے

تو ایک صدائے بلند فضا کے سینے کو چیرتی ہے

یہ پیار کیا ہوتا ہے …؟