آخرکیا ہے زندگی؟

زندگی پر یہ بے لاگ تبصرے

وقت کے ضیاع کے سوا کچھ نہیں

 زندگی کا سراغ کسے ملا ہے

ہر کسی کو زندگی سے گلہ ہے

یہ کیوں اور کس لیے ملی؟

 مورِ ناتواں کے سکڑتے پیٹ کی صدا ہے زندگی؟

 بیلوں کی بھوک سے نکلی پسلیوں کی نوا ہے زندگی؟

 سنگ و خشت اٹھائے مزدوروں کی ندا ہے زندگی؟    

 تخت پہ بیٹھے شیروں کی عیش کا نام ہے زندگی؟

کسی ماہر شکاری کا لگایا ہوا دام ہے زندگی؟

 زندگی تو ایک خونی بھیڑیا ہے

جس کے منہ میں کئی قسم کے دانت ہیں

 سچ ،جھوٹ،ہوس،مکر،فریب وغیرہ کے دانت

 مگر یہ انسان آگہی کے دام میں آنے والا نہیں

 ایک دانا چرواہا بڑی حکمت کے ساتھ

 وقت کا عصا تھامے تمام غرض کے ماروں کو ہانک رہا ہے