بدصورت غربت

یہ کیسی تنہائی ہے

میں یادوں کے سیلاب میں بہتا جا رہا ہوں

میرے ایک ہاتھ میں خواہش اور دوسرے میں محرومیاں ہیں

پائوں میں غربت کی زنجیریں ہیں

گلے میں ضرورتوں کا طوق ہے

مجبوریاںسیاہ حلقے بن کرنکھوں کے گرد لپٹی ہیں

پلکوں پہ جمی اداسی

قطرہ قطرہ پگھلتی کھردرے رخساروں پہ گرتی ہے

میرے نیلے ہونٹ جن پہ دوپہر کی جلتی خشک دڑاڑیں ہیں

 آبِ مودت کو ترستے ہیں

اذیت کی بھوک سے ابھری پسلیاں پھڑپھڑاتی ہیں

خواہشیں اڑنے کو پر تو لتی ہیں

مگر زندان کی سلاخوں سے ٹکڑا کر اوندھے منہ گرتی ہیں

یہ غربت اور بد صورتی ایک سے کیوں ہیں؟

ہر بار میں ہی مرتا ہوں

یہ کیوں نہیں مرتے؟

کیا اس سیاہ سماج میں ٹھکرائے جانے کے لیے

غربت اور بد صورتی ہی کافی ہے