کھوکھلی محبت

میں تیری محبت کی عفت کو کیسے مان لوں

جو کئی قسم کی محبتوں کا مرکب ہے

دغا کی عفونت

لالچ کی رنگینیاں

جھوٹ کی نمائش

فریفتگی کے جھانسے

وعدوں کا فریب

اس عارضی رنگین مرکب کو کیا سمجھوں

چند روزہ سکوں۔۔؟

یا غلاظت کے ڈھیر پہ پڑا ہوا گلاب

تم نے تو محبت کو شطرنج کا کھیل سمجھا

جس کے ہر مہرے پر تم نے اپنا حق جتایا

جی چاہتا ہے تمھاری اس فریبی محبت کے

انگ انگ کو نوچ ڈالوں

فقط استخواں تمھارے لیے چھوڑ دوں

مگر ڈر لگتا ہے

تمھارے دغا، فریب، لالچ اور جھوٹ

اس کی ہڈیوں کو بھی کھوکھلا کر دیں گے