منظوم خراِجِ تحسین
(در خدمت یونس فریدی)
سخن ہے موثر موقر فراواں

غمِ عشق سے سر بہ سر چاک داماں
تصور میں ہر دم وہی روئے جاناں

مجسم مروّت، معطّر گلستاں
نوائے محبت، نہ دیدی، شنیدی
سخن کا ہے شہ کار یونس فریدی
ادب کے جہاں کا یہ روشن ستارا

بہت خوبصورت، بہت پیارا، پیارا
ہر اک شعر سے حسنِ فن آشکارا

ادب کے شبستاں میں روشن ستارا
کشودہ ہمہ قفلِ فن چوں کلیدی
سخن کا ہے شہ کار یونس فریدی
یونہی تو نہیں چار سو نام اس کا

بہت دل کش و دل نشیں کام اس کا
ہے صرفِ سخن چین آرام اس کا

ہے صہبائے الفت سے پر جام اس کا
سخنور ہیں یوں تو بہت ہی فریدی
سخن کا ہے شہ کار یونس فریدی
موج دین فریدی