منظوم خراج تحسین
ڈاکٹر شہزاد احمد ہیں فدائے مصطفی
از ازل تا بہ ابد ہیں یہ گدائے مصطفی

نعت کے شعبے میں ان کی اس قدر خدمات ہیں
عاشق سرکار ہیں! گویا نوائے نعت ہیں

ایک دن ہم نے سنی ان سے یہ پیاری سی نوید
ان سے وابستہ ہوئے ہیں حضرت شفقت فرید

دھیمی دھیمی سی مسلسل ان کی جو پرواز ہے
ان کے کاموں پر بھی اب کچھ کام کا آغاز ہے

’’ایم فل‘‘ ان پر ہوا ہے منفرداور کامیاب
کام یہ شفقت میاں نے کر دیا ہے لاجواب

ڈاکٹر شہزاد احمد کو مبارک ہو یہ کام
حضرت شفقت کو ہو اس کام پر میرا سلام

اوج پائے یہ مقالہ آپ کا شفقت فرید
ہے لب خاکی پہ اتنی سی دعا شفقت فرید
عزیزالدین خاکی