مہر آپ جدوں مہربان کردا

رب مشکلاں سب آسان کردا
شاہ رگ دے کولوں وی ہے نیڑے

آپ وچ قرآن فرمان کردا
ہک وار دیدار نصیب ہوندا

جان لکھ کروڑ قربان کردا
میرا ہیں تے بن کے رہویں میرا

ایسے گل اُتّے بندہ مان کردا
دکھی دردی نوں لیندا لا سینے

اک وار چا یار احسان کردا
نِت پنڈ گناہاں دی کراں کٹّھی

نِت فضل ہے رب رحمان کردا
تیرے پیار اندر عمر گئی ساری

ہور سوچ کی ایہہ نادان کردا
عشق دسدا اپنا آپ جس دم

عقل سوچ دانائی حیران کردا