پھل کھڑے سوہنے گلزاراں دے

آئے سمے ملن ہن یاراں دے
جے یار میرا گھر آجاوے

مُڑ پرتن سمے بہاراں دے
منہ بولے زخم نہ مٹدے ہِن

گھل ویندے پھٹ تلواراں دے
واہ خوشبو پھل گلاباں دی

واہ سخن نیں سوہنیاں یاراں دے
اساں پنڈ دکھاں دی چائی اے

دکھ اوندے صفاں قطاراں دے
ہک جھلک جے دید کرا دیوے

ٹٹ جاون تاپ بیماراں دے
جیہڑے مان حسن دا کردے نیں

جا وکدے وچ بازاراں دے
جیہڑے سچے عاشق ہوندے نیں

چڑھ جاندے اتے داراں دے