دکھاں نے جد ماری سٹ
تازے ہوئے جگر دے پھٹ
کیتے مول عمل نہ چنگے
خالی رہ گیا میرا مٹ
جو سٹی تھک منہ دے وچوں
بندا بن جا نہ اوہ چٹ
چار دیہاڑے ایہہ زندگانی
جیہڑی نیکی کھٹنی کھٹ
جیڈی آکڑ مستی ہووے
کڈھدی موت بندے دے وٹ
اوہو رب دے پیارے بندے
جیہڑے حق تے جاندے ڈٹ
بچ برائیوں جے وس لگے
مڈھوں اس دا بوٹا پٹ
عشق ساہنوں بنھ بنھ لے جاندا
سوہنے کہندے پچھے ہٹ
کدی وی عاشق بن نہیں سکدا
جو نہیں چڑھیا عشق دے بھٹ