ویکھو کیڈا ہے یار کمال کردا
آپے وچھڑدا، آپ ملال کردا
گیوں گیسو دراز نیں موہڈیاں تے
کوئی جا کے اوہنوں سوال کردا
اینویں پھردا جنگلاں وچ کملا
پہلے اندروں پرت کے بھال کردا
اینویں دوس ہے بندیاں ماڑیاں تے
چاہندا جو سو جاہ و جلال کردا
پہلے سچ تے جھوٹ نتار لیندا
جو چاہندا سو ساڈے نال کردا
جے کر اپنے مار نہ سٹ جاندے
غیر کردا، کی اوہدی مجال کردا
جند جان تے مال سب وار دیندے
اک وار جو خط ارسال کردا
منہ ویکھدا رتا شریک دا جے
نال چاٹاں دے اپنا لال کردا