جد دیاں یار جدائیاں ہوئیاں
اکھیں جھڑیاں لائیاں ہوئیاں
اوسے نوں خصمانے سارے
اوسے نوں وڈیائیاں ہوئیاں
مل مل صابن جثہ دھوتا
اندروں نہیں صفائیاں ہوئیاں
وچ شریکیاں عمراں لنگھی
اج تک نہیں رسائیاں ہوئیاں
ساڈی ریس نہ کر توں جھلیا
اساں تے کھریاں لائیاں ہوئیاں
اسیں دکھاں دے عادی ہوئے
پنڈاں سر تے چائیاں ہوئیاں
عزتاں دا مڑ رب ای راکھا
جدوں وچولیاں دائیاں ہوئیاں
اج دا بندا پیار دا بھکھا
بھانویں لکھ کمائیاں ہوئیاں
ہن حنیف نوں کجھ نہ آکھو
غزلاں ایس نے گائیاں ہوئیاں