نکی جہی ہک گل ہے یارو
عشق رونا ہر پل ہے یارو

حسن دی نگری دے وچہ عاشق
بیٹھا مار پتھل ہے یارو

چوٹ عشق دی جد آلگی
رون دا آیا ول ہے یارو

ہِکو یار سجن دا ملنا
اس مسئلے دا حل ہے یارو

یاد اوہدی پل پل انگاری
بھانبڑ جاندا بل ہے یارو

کالی زلف تے اکھ مستانی
بدن سارا مخمل ہے یارو

میں تے اس نوں چھڈنا ناہیں
میرا قول اٹل ہے یارو

دکھاں درداں ہاڑیاں والا
ہکو حل وصل ہے یارو

کوئی منصور سولی تے چڑھیا
شمس لہاندا کھل ہے یارو

سوہنی وچ چنابے ڈبی
سسی مارو تھل ہے یارو

جو کچھ کرنا ای اجّو کر لے
ڈٹھی کس نے کل ہے یارو