دنیا وچ ساتھی دنیا دار دے رہے
رنگ بھرے نیں رنگ پیار دے رہے

اِٹاں ریت دیاں اسیں رہے تھپدے
محل خیالاں دے نت اساردے رہے

بھانویں لکھ مصیبتاں سرے آئیاں
نام یار دا سدا چتار دے رہے

ساڈے نام توں شہر وچ بنے فاتح
تسیں جتدے رہے اسیں ہار دے رہے

تساں حاکماں نظر منظور ہوئے
اساں چپ رہے تساں مار دے رہے

تسیں ہور کسے دے رہے سنگتی
نال ہور دے عمر گزار دے رہے

سانوں غماں نیں آ برباد کیتا
تسیں خوشی تھیں پیر پسار دے رہے

ہک وار ڈٹھا اوس شوخ تائیں
کئی مدتاں نشے خمار دے رہے

اساں ترس گئے ہک دیدار خاطر
تساں زلف نوں نت سنوار دے رہے

لے، لیا، زلیخا نے جھٹ یوسف
خریدار تاں کئی بازار دے رہے

اساں اندروں قیس ہو گئے لیلیٰ
بھانویں روپ اتوں دنیا دار دے رہے