1689952695242_56116907
Open/Free Access
۵۸
روٹی سمجھ چنگیر والی چن ہو گئی
تھگڑی سو جو نال بدن ہو گئی
لگا عشق میں رن پرنا آندی
اگوں بالاں دی ادھی درجن ہو گئی
پردہ مکھ توں الٹیا جس ویلے
جھلک چودھویں دا ہک چن ہپو گئی
یونیورسٹی دی کڑی پرنا آندی
مکلاوا آندیاں سار ان بن ہو گئی
ترلے کرنا ایں کیوں وڈیریاں دے
ایڈی وڈی کہیڑی تینوں بھن ہو گئی
روندا آیا ایں تے روندا ٹر جاسیں
دنیا کتھوں ایہہ تیری سجن ہو گئی
بیوی لڑدی رہندی سی نال میرے
دتا خرچہ تے اوہ مکھن ہو گئی
پایا سوہنیاں نے صرف اک پھیرا
رونق ویکھ وچ کیویں چمن ہو گئی
دنیا مال نہ دولت کم کسے
دولت عمل دی نال کفن ہو گئی
والضحیٰ چہرہ والیل زلفاں
رحم دلی وی سنگ بدن ہو گئی
پنجابی لکھنا بولنا گھٹ ہویا
لگ دا پیا اے بے وطن ہو گئی
بچہ اپنا ہی سوہنا لگ دا اے
لگے سوہنی پرائی جو رن ہو گئی
تناں شئیاں توں اصل وچ ھین جھگڑے
زر، زمین تے تیسری زن ہو گئی
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |