ہوئے جد دے یار بیگانے
بنے دشمن کل زمانے

اساں ترس گئے یار ملن نوں
تیری کیوں نہیں ڈھکدی خانے

کتے پھلاں اتے تتلی
کتے شمع تے پروانے

عشق کیتا زور زلیخا
ونڈ دتے مال خزانے

گئے تارے منہ لکا کے
چن چڑھیا جد آسمانے

سنگ جس دی عمراں گزری
اجے غیر ہیں اس دے بھانے

کرو رحمت یا محمدؐ
تیرے امتی سب دیوانے

بھانویں ہائی زلیخا جھوٹی
گئے یوسف بندی خانے

کیوں نیوں اجیہا لایا
مینوں دنیا دیندی طعنے

کئی بے گناہ وچ جیلاں
کئی بے گناہ وچ تھانے

اوہدی پلکاں وانگر سوئیاں
جیویں چڑھیا تیر کمانے

اوہ بے پرواہ کہاوے
جیہڑا مالک کل جہانے