Home > دکھاں دی پنڈ > لگدا اے سکھ پریڑے ہو گئے
لگدا اے سکھ پریڑے ہو گئے
Chapter Info
ARI Id
1689952695242_56116910
Access
Open/Free Access
Pages
۶۳
لگدا اے سکھ پریڑے ہو گئے
دکھ ہن چار چوفیرے ہو گئے
نہیں پرندے لہندے گھر وچ
اُچے ڈھیر بنیرے ہو گئے
بُھج کلیجہ زخمی ہویا
سیکھاں اتے بیرے ہو گئے
وچ درگاہ دے رتبے پاندے
عاجز ڈھیر نویرے ہو گئے
جتھے حسن بہاراں آئیاں
اوتھے عشق دے ڈیرے ہو گئے
جنھاں وفا نہ میں نال کیتی
سکے کیویں اوہ تیرے ہو گئے
غم دی رات ہجر دی لمی
اتوں گھپ ہنیرے ہو گئے
کیویں ختم غلامی منّاں
جدوں غلام پتھیرے ہو گئے
رُکھ تاں سارے کٹ دتے نیں
پکھواں کتھ بسیرے ہو گئے
سجناں رات غماں دی گھلی
قسمت نال سویرے ہو گئے
میں باغی ہاں اس مسکن دا
منصف جتھ وڈیرے ہو گئے
واہی ہجر دی برہوں فصلاں
اتوں غم دے کیرے ہو گئے
دکھاں دی پنڈ چاون والے
ساتھی کئی ہن میرے ہو گئے
Table of Contents of Book
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |
Similar Books
Loading...
Similar Chapters
Loading...
Similar Thesis
Loading...
Similar News
Loading...
Similar Articles
Loading...
Similar Article Headings
Loading...