جدوں جاگ دے بخت نے عاشقاں دے
تداں حسن دی پئی خیرات ہندی

جیہڑی گل صلاح دے نال کریے
اوسے گل دے وچ برکات ہوندی

جیویں درد وچھوڑا حیران کردا
ایڈی وڈی نہیں کوئی سوغات ہوندی

جا کے پچھ لے چریں وچھنیاں توں
کیویں غم دی کالڑی رات ہوندی

جدوں یاد ہر ویلے ہی آوندی اے
پئی وچ خواباں ملاقات ہوندی

ہار جیت دا عشق قانون وکھرا
بازی ہر کے وی نہیں مات ہوندی

اکھیں رنیاں انج نیں ہجر اندر
جیویں ساون وچ برسات ہوندی

پڑھیے رہیے درود سلام ہر دم
شافع باہجھ نہ مول نجات ہوندی

لکھ دے حشر تائیں واردات غم دی
ہتھیں دکھاں دی قلم دوات ہوندی

ہوندی وصل بہار خدا کر کے
بھانویں دن ہوندا بھانویں رات ہوندی