گھر اسرے جدوں مکاناں دے نال
بندے جھگڑے تدوں انساناں دے نال
دور دور آبادیاں جدوں ہیسن
ہوندا ہے سی پیار احساناں دے نال
یاد رکھدا زمانہ بہادراں نوں
ٹکر لیندے نیں جیہڑے چٹاناں دے نال
غیرت عزت دی موت اوہ پا جاندے
کھیڈ جاندے جو اپنیاں جاناں دے نال
وسیلے نال ہی رب دی بھال ہوندی
کھوجی کڈھ دے کُھرے نشاناں دے نال
اسیں دھرتی اُتّے مسیں پیر دھردے
یار اڈ دا پیا اسماناں دے نال
پہلے عشق دے سکھیے گر سارے
وار کریے پھیر کماناں دے نال