جد دا یار سیانا ہویا
ساتھوں دور ٹھکانا ہویا

کول وی آکے ملدا نہیں
مٹی کھیہ یارانہ ہویا

کرسی اوہ مخلوق دی خدمت
جِنّے رب نوں پانا ہویا

پہلے تاں ہک پل نہ وسدا
ہن کیوں یار بیگانہ ہویا

رکھ اڈیکاں میں جا ستا
خواباں وچ یرانہ ہویا

مستی وچ کئی سجدے کیتے
جد دا میں فرزانہ ہویا

شمع نے ہک دم ساڑ جلایا
عاشق جد پروانہ ہویا

جس درود و سلام نہ بھیجے
عاشق کیویں یگانہ ہویا

مستی اپنی اینویں لگے
یار دا مکھ مستانہ ہویا

ذکر فکر وچ تیرے رہنا
ایہو ای تانا بانا ہویا