ڈگدا ڈھاندا اٹھدا بہندا
در تیرے تے ٹھڈے کھاندا
تیرا در ہے خانہ کعبہ
نت طواف کرن نوں جاندا
ہکو سک ملن دی دل وچ
نہ کجھ پیندا نہ کجھ کھاندا
چار چوفیرے غم دے گھیرے
ہجر فراق دلے نوں کھاندا
موت تے زندگی دو حرف نیں
ہک ساہ آندا، ہک ساہ جاندا

لکھ درود سلام نبیؐ تے
روز محشر امت بخشاندا
اوہندے چار چوفیرے برکت
رحمت دا دریا بہاندا
حب شراب نبیؐ دی مینوں
لوکاں وچ میخوار سداندا
جیہڑا یار دا ہو کے رہندا
آخر کار اوہ رتبے پاندا
حج دا رتبہ اوہنوں ملسی
دکھیاں نوں جو گل نال لاندا
آخر سکھ ملن گے اس نوں
جیہڑا پنڈ دکھاں دی چاندا
سک حنیف ملن دی رہ گئی
کدی تاں سد کے کول بٹھاندا