نہ کر توں مان وساہواں دا
چھڈ جانا ایں پنجرا ساہواں دا

انج عشق دیوانہ کیتا اے
ہو گیا اے حال تباہواں دا

اتوں فجری ویلا آ ہویا
راہ تک تک تیریاں راہواں دا

جیہڑیاں پتر شہید کراندیاں نیں
دھن جگرا اے انہاں ماواں دا

بھانویں لکھ موبائل آ گئے نیں
ہے اپنا رنگ سنیاہواں دا

اینویں رو رو رائیگاں عمر گئی
مُل پیا نہ میریاں ہاہواں دا

جس تھاں تے اوس سلام کیتا
کراں ادب میں انہاں تھاواں دا

پڑھ لکھ کروڑ سلام نبیؐ تے
راہ مل مدینے دیاں راہواں دا

مرے ماں تے پتہ لگ جاندا
کی قدر اے ٹھنڈیاں چھاواں دا

پھرے پیا حنیف ہو دیوانہ
ایہو اثر ہے تیز نگاہواں دا