تیرے نخرے اتے اداواں دا
سہنا پے گیا ظلم جفاواں دا
اوہدی کدی ضمانت نہیں ہوندی
جیہڑا قیدی عشق سزاواں دا
سُتے ڈھول وگایاں نہیں اٹُھدے
ایتھے وس کی چلدا کانواں دا
ایہہ نخرے حسن تے پھبدے نیں
نال خوشبو رنگ ہواواں دا
اوہ سنیا اے ساڈے شہر آیا
بھوئیں پیر نہ لگدا چانواں دا
پھرے پیا کسان نمانا ہو
گیا مزہ جنس دے بھانواں دا
ہووے لکھ کروڑ سلام نبیؐ
کھاواں صدقہ جس دیاں نانواں دا
حنیف اج کہ کل پراہنا ایں
کون وارث اکھڑیاں ساہواں دا