حسن پرستی ساڈا شیوہ، ماریا دم حضوری دا
فائدہ توں اٹھا نہ سجناں ساڈی ایس مجبوری دا
دودھ تاں پانی پایا ملدا، پوڈر وی ہن پایا اے
بھانویں لکھ پئے خالص لیے دودھ ہن کالی بوری دا
عاشقاں دے نال کیوں نہیں کردے بندے سوہنے باتاں
کوئی تاں حل ہن کرنا پئے گا مسئلے اس مزدوری دا
واعظ مینوں عشقوں روکے آکھے پڑھ صلواتاں نوں
مطلب میں ایہہ سمجھ نہیں سکیا، اوہندی گل ادھوری دا
جتھے یار نیں روٹیاں لائیاں اوتھوں روٹی کھانی ایں
بھانویں پھلکا ہکو دے دے مینوں اوس تندوری دا
پڑھ درود کروڑ سلاماں ہر دم ذات محمدؐ تے
ایہو ذکر خدا ملائکہ، خاکی، آبی، نوری دا
کر کر زُہد عبادتاں تھکے، یار نہ ملیا جا کے مکے
جیہڑے عشق دی بازی جتے، انھاں قرب حضوری دا