عشق کم ہے صبر گزاراں دا
کیہ فائدہ حال پکاراں دا

میں گلہ نہیں اوسدا کر سکدا
اوہ بندہ خوش گفتاراں دا

ہووے لکھ کروڑ سلام نبیؐ
جیہڑا واقف کل اسراراں دا

جے چاہناں ایں بخشش ہو جاوے
بن یار نبیؐ دیاں یاراں دا

چھڈ جسم دی یاری روح چلی
بھرواسہ کی فیر یاراں دا

اکھاں مدھ بھریاں مخمور ہویاں
نشہ ویکھ ذرا ماہ پاراں دا

چھڈ یار اسانوں دور گئے
آیا موسم جدوں بہاراں دا

نین نرگسی نیں مکھ چن وانگوں
جیویں کھڑیا پھل گلزاراں دا

کی حسن دا مان بھروسہ اے
وکے یوسف مصر بازاراں دا