نہیں پچھیا حال بیماراں دا
لگ پتا گیا غم خواراں دا

ایتھے کون بہادر آگئے نیں
ہویا کھڈّا منہ تلواراں دا

مینوں ہار کدے نہیں آسکدی
ہے صدقہ پنجاں تے باراں دا

میری گل نکی جئی سن جانا
جد موڈ ہووے سرکاراں دا

مینوں آس اللہ دی رحمت تے
جیہڑا والی کل سنساراں دا

ہووے لکھ کروڑ سلام نبیؐ
جیہڑا وارث اوگنہاراں دا

جیہڑا حسب نسب وچ ارفع ہے
ہے ارفع شاہ اسواراں دا

اوہدی قبر نوں اگاں لگیاں نیں
انجام ایہو غداراں دا

جے یار دا حلیہ پچھنا ایں
جا ویکھ لے رنگ اناراں دا

روندا چھڈ کے مینوں ٹر گئے نیں
بھرواسہ کی اعتباراں دا

پئی اڈ دی دھوڑ میخانے وچ
رنگ اڈیا رند مے خواراں دا