کیہڑی وکھری گل سی چال اندر
دل کھب گیا اوس خیال اندر
ہووے سچی لگن جے عشق اندر
مزہ ہکو ہے ہجر وصال اندر
اینویں جنگلاں وچ نہ ماریا پھر
کر اندروں پرت کے بھال اندر
رکھ کعبے دے وانگر دل اپنا
مت نفس شیطان نوں پال اندر
جنھاں لٹ کے کھاہدا ملک سارا
آگئے نیں ہن زوال اندر
عشق پک دا نال جفا لوکو
سچا عشق سی جیویں بلال اندر
گئی گزری زندگی عشق دے وچ
بیٹھا ہوندا اے جیویں کنگال اندر
دل حجرا سوہنے رب دا اے
ایہو جئی نہیں کوئی مثال اندر