دُکھّاں دی پنڈ ہوئی تیار
کھول کے ویکھیں اس نوں یار
جیہڑے ہار عشق وچ جاندے
بن دے اوہ پھلاں دے ہار
کر مزدوری داج بناوے
ہر دم پیو نوں ایہو کار
گھر دا کھانا پج دا مینوں
سکی روٹی نال اچار
ہاہ غریب دکھی دی یارو
ہوندی فرشوں عرشوں پار
نویں پاکستان دا نعرہ
ویکھو تیل تے تیل دی دھار
دل دا گھر نہیں وسن دیندا
سپ حرص دا پہلے مار
بھکھ، بیماری غربت اندر
پچھی نہ سجناں نے سار
ویکھ غریب بچے تے بیوہ
کیتا سیٹھاں بند ادھار