پڑھ کے عشق کتاب زیادہ

ہویئے نہیں بے تاب زیادہ
عشق دے اندر پیر جما کے

کریے نہیں حساب زیادہ
تیرے وچ خیالاں جہیڑے

تکدے نیں اوہ خواب زیادہ
کریے جدوں سوال اشارہ

اوندے ہین جواب زیادہ
مانگ تری وچ سجے ہوئے نیں

چن تارے مہتاب زیادہ
پاکے کاٹن عاشق نالوں

لگے پیا نواب زیادہ
جیہڑی تھاں تے نام ہے تیرا

اوہو پڑھیے باب زیادہ
سوہنے حسن دا فائدہ لے کے

کردے ہین خراب زیادہ
تھوڑا پڑھ درود توں بھانویں

جانے رب ثواب زیادہ
یاد تری وچ رو رو ساجن

دل ہویا بے تاب زیادہ