رونقِ مہتاب
اے میرے آقا و مولا۔۔۔!
یہ ماہتاب ستاروں کے بیچ!
سرورِ ازل کے ساتھ۔۔۔!
آپؐ کے پائوں چومنے کی ۔۔۔ارباب تبسم کوداستاں سناتا ہے
خواب کی شرطوں میں۔۔۔کہکشاں کی دلیلوں میں!
لاریب شہسوار کی یاد دلاتے ہوئے!
فرشتوںکے ساتھ درود و سلام پڑھتے ہوئے!
موج جنوں کے سینے میں!
نشاط نقاب کا مفہوم دل کی طرح دھڑکاتا ہے
اے میرے آقا و مولا۔۔۔!
یہ آج بھی مکمل چاہتوں کے معصوم خط!
قرآن میں موجود تیرے سفر ناموں کے ساتھ!
عصر جمیل کے شگفتہ شبنمی گلابوں کو دکھاتا ہے
درودوسلام پڑھتے ہوئے!
میری روح کو سہلاتا ہے۔۔۔!
زخموں پر چاندنی کے مرہم لگاتا ہے