نعت
آپؐ کی وجہ سے!
روشنی میں شگوفے کھل رہے ہیں
سبز وادیوں میں!
روایتوں ، تلازموں کے قافلے!
جگنوئوں ، تتلیوں میں خیمہ زن رہتے ہیں
آپ محبوب رب العالمیں۔۔۔!
آپؐ کی وجہ سے انجیر و زیتون میں زندگی رواں ہے
گلِ مریم کے دریچوں میں!
سوسن و نسترن کی حقیقتوں میں!
آپؐ کے نام کی سبز زمانے تسبیح کر رہے ہیں
شہر معصوم کا طواف کرتے ہوئے!
خانقاہ عشق میں اعتکاف کرتے ہوئے!
خوشبو کی آبرو۔۔۔بہار کی آرزو!
درِ معصوم سے فسوں کی خیرات لیتی ہے
درِ قبول کے روبرو!
پرندے اذانوں میں۔۔۔کشش کاف کے الہامی ایوانوں میں!
آپؐ کے نام کی گواہی دیتے ہوئے!
صبح وشام درود و سلام پڑھتے رہتے ہیں