ارداس
توحید فلک کی تفہیم کرتے ہوئے!
صحرا کے جلال کو تبسم تقسیم کرتے ہوئے!
خزاں کے سینے سے بہار نکال کر!
دشت بیاباں میں علی اصغرؑ مسکرا رہا ہے
تو رات والانجیل کی مثالیں یاد دلا رہا ہے
مدینہ و نجف کے زائروں میں!
سبز موسم کے حسین دائروں میں!
جنوں کی شرطوں میں باب وفا کی تفسیر کرتے ہوئے!
مزاج شمال کے دائروں میں!
انجیر کی گود میں زیتون کا چہرہ دکھا رہا ہے
تورات والانجیل کی مثالیں یاد دلا رہا ہے
تہذیب عشق کی بارگاہ میں!
سرخ موجوں کی روانی میں۔۔۔پیاس کی کہانی میں!
نصاب بیخودی کے یقینی زمانوں کی سبزہ گاہ میں!
ساحلوں پر بکھرے اثاثے کی داستاں سنارہا ہے
ابن حیدر۔۔۔ابن حیدر بن کے مسکرا رہا ہے
تورات والانجیل کی مثالیں یاد دلا رہا ہے
اے حسین ابن علی تجھ پر سلام
اے بنتِ حسینؑ و علی تجھ پر سلام