سلام
جب شفق کے کانوں میں بالیاں چمک رہی تھیں
آباد حویلیوں کی سنہری جالیاں چمک رہی تھیں
طاق میں روشن چراغوں کو۔۔۔!
کھڑکیوں اور دروازوں کو۔۔۔!
صفاء اور مروا کی چوٹیوں کو چوم کر۔۔۔!
ہوائیں عقیدت میں جھک کر سلام کرتی تھیں
پھر شفق کی چمکتی بالیوں کے۔۔۔!
سنہری چمکتی جالیوں کے روبرو۔۔۔!
باوفا قافلے کی تشکیل میں!
قافلے کا سارباں ،رازداں چنا گیا
سوسن و نسترن کا گلابی قرار چنا گیا
با وفا صحیفے کے ساتھ۔۔۔خیمہ بھی۔۔۔!
ماہتابی شباب، چراغ اور ردا بھی تھی
پھر ظہر ہوئی۔۔۔عصر بھی گزر گئی
اب تو دشت نینواء پر۔۔۔!
سوسن و نسترن کے پھول بکھرے ہوئے ہیں
جلتے خیموں کا دھواں ہی دھواں ہے
اے حسینؑ اب علیؑ تجھ پر سلام
اے بنتِ حسینؑ و علیؑ تجھ پر سلام