تمنا
میرے گلے پہ۔۔۔!
جب تو عین، شین، قاف کا تیر چھوڑے
پھر برزخ کی حقیقت میں جمال کا پردہ چاک ہو کر!
عالم اسرار۔۔۔صاحب قرار کی کماں ٹوٹ جائے
میں ہونٹوں پر مسکراہٹ سجائے!
سینے پر ہاتھ رکھے۔۔۔صحرا میں تڑپتا رہوں
ریت لہو سے غسل کرے۔۔۔!
میں بس ایڑیاں رگڑتا رہوں
پھر ہوائیں میرا طواف کریں
فاختائیں اپنے گھونسلے چھوڑتے ہوئے!
ٹیلئہ بہار کی طرف ہجرت کرنے لگیں
جس ’’مالکا‘‘ سے تو نے مجھے جدا کیا تھا
وہ تین قدم پہ کھڑی۔۔۔!
وا عشقا۔۔۔ وا عشقا کہتے ہوئے روتی کرلاتی رہے
تو تطہیر صحرا میں ۔۔۔لہو سے سیراب ریت پر اترے
’’عین‘‘ سے عقیل ؑبہار کا خطبہ ظاہر ہو
’’قاف‘‘ سے قطع یدین کا اسلوب ظاہر ہو
’’شین‘‘ سے۔۔۔!
شہادتِ سورہ عشق کی حجت تمام ہو
یوں عشق بھی۔۔۔مقام محمود پر نظر آنے لگے