جن خیالوں میں۔۔۔!
جن خیالوں میں اثبات درد کے ساتھ
سرخ دھڑکنوں کی تاثیر سمائی ہوئی ہے
وہ گمنام جزیروں سے۔۔۔
اک مہکتا ہوا خط لاتے ہوئے!
سوسن و نسترن میں زعفرانی گرھیں کھول کر!
چاہتوں کی میزان پر۔۔۔!
پہلی آہٹ۔۔۔پہلی فکر اور سوچ کو سوچتے ہوئے!
دشت میں اک تھکی ہاری ناقہ کے ساتھ،
تورات والانجیل جیسی غزالہ بھی لائی ہوئی ہے

جناب حسان، رواحہ اور جامی کے پاؤں چوم کر۔۔۔!
دریا کنارے مسافروں کو خیمہ زن کرتے ہوئے!
گل مریم کے کندھوں پر۔۔۔گل داؤدی کی گھٹڑی رکھتے ہوئے!
چاندنی کے ساتھ۔۔۔اک چراغ کا طواف کرنے آئی ہوئی ہے
تورات و انجیل جیسی غزالہ بھی لائی ہوئی ہے
پانیوں پر وجد طاری کرتے ہوئے!
محبتوں، چاہتوں کا صحیفہ تلاوت کرنے آئی ہوئی ہے
اک مہکتا ہوا خط بھی ساتھ لائی ہوئی ہے
تورات و انجیل جیسی غزالہ بھی لائی ہوئی ہے