جنوں
لوگ آستین میں خنجر چھپا کر ملتے رہتے
میں گردن کی۔۔۔سینے کی پرواہ نہ کرتا
صبح شام عشق پر درود۔۔۔سبز موسم پر سلام پڑھتا رہتا
شبنمی چاندنی۔۔۔!
گل بنفشا، گل مریم کی گرھیں کھولتی رہتی
میں عشق زادوں کا طواف کرتے ہوئے محو سفر رہتا
آخر اک روز قیس بن الملوح مل ہی گئے
جو مہکتے خط کے ساتھ۔۔۔!
مجھے عشق کی بارگاہ میں لے ہی گئے
عشق نے صالحین، عاشقین اور صادقین کے رو برو۔۔۔!
مجھے سلسلۂ جنوں کی دستار عطا کی
پھر قیس بن ذریع کو۔۔۔!
میری خانہ بدوشی اور آوارگی کی داستاں سناتے ہوئے!
مجھے صحرا کی طرف روانہ کیا۔