تلازمہ
میں غربت کی آغوش میں پلا ہوں۔۔۔!
پھر کوہِ صفا کے جذبات سے کوہِ مروا کی جذباتی کشش تک
کرنوں کے خط قطع کرتے ہوئے۔۔۔!
حرفوں کی جدا جدا ترتیب و تشکیل روایت کرتا ہوں
بابِ لذت کے مکالمے میں ۔۔۔!
صحرائی دانش وروں کی کیفیت سمو کر۔۔۔،
امرا القیس کی سرگوشیوں میں
پہچان کی کونپلوں۔۔۔ عبلہ کی آہٹوں کو سمو کر۔۔۔!
چاندنی اور خوشبو کے گلے ملنے کی باتیں کرتا ہوں
میں زخم کے تلازمے کو کھنکتی مٹی کی شرطوں سے بچاتے ہوئے۔۔!
پتھروں میں عزاداری کرتے ہوئے۔۔۔آئینے کی طرف داری کرتے ہوئے
جنابِ عشق کا صحیفہ پڑھ کر۔۔۔!
دل فریب آرزو کی رگوں میں سرایت کرتا ہوں
جمالِ بہار کی داستاں۔۔۔!
سبز رنگوں میں روایت کرتا ہوں