آرزو
اے نقطہ راز کے واقف۔۔۔!
اے نقطہ راز کے واقف۔۔۔!
پہچان کے درویش۔۔۔و مِن الاصحاب عشق کا دعوی کرنے والے!
اے آشناء مستی کے روبرو۔۔۔!
افاعیل میں زحافات کی تقطیع کے اصلاحی علائم کو!
نظم میںمشخص کرنے والے۔۔۔!
ستیہ پال آنند، امجد اسلام امجد اور علی محمد فرشی مجھ سے بولتے نہیں
خالد سجاد ، اظہر عباس اور نعیم گیلانی تھکے ہوئے ہیں
ماجد مشتاق، افتخار شفیع اور شبیر بٹ سوئے ہوئے ہیں
ہوا شبنمی خوشبو کے ہم رکاب چل رہی ہے
چاندنی خشک کوزوں میں اترتے ہوئے!
محبت پہ درود اور چاہت پر سلام پڑھ رہی ہے
اب تم ہی آجاؤ نا۔۔۔!
ہم ترجیحی تدوین۔۔۔اختصار ترکیب پہ نہ سہی۔۔۔!
چلو نثری نظم پہ ہی مناظرہ کرتے ہیں