مناجات
سوہنے اپنے نام دا واسطہ ای کر رحم کہ وقت وہاوندا اے
تیری تانگ اندر نزع وقت بنیا سَاہ آئوندا تے نالے جاوندا اے

عمر گذر گئی ایسے حال اندر تیرا دکھیا پیا کرلاوندا اے
واہ بے پرواہ دلدار میرا خبر پچھنے وی نہ آئوندا اے

خوشی وچ جہان پیا وسدا اے ‘ کوئی ہسدا تے کوئی گائوندا اے
ساہنوں سوہنیا وے تیرے ہجر اندر کوئی جگ دا چین نہ بھائوندا ے

نت دل نوں دیاں دلیریاں میں ‘ شاید یار سوہنا اج آئوندا اے
دل آکھدا کملیا بھل تیری ایویں نت دا وقت وہائوندا اے