نعت بحضور سرورکائنات ﷺ
(بر استدعا حاضری مدینہ )
میری بگڑی آپ بنا دے تیرا وَسدا رہے مدینہ
مینوں خیر دیدار دی پاء دے میرا ٹھر جائے سوہنیا سینہ

تیری رحمت ٹھاٹھاں ماردی اے، پئی ڈُبیاں بیڑیاں تار دی اے
میں باندی تئیں سرکار دی آں میرا کر جا پار سفینہ

تیرے چرچے چار چوفیرے کتھ لائے نیں آقا ڈیرے
ہن ہر جا چانن تیرے میرا بن جائے دل نگینہ

دے درشن آقا پیارے بیٹھے روندے نیں عاشق سارے
جنہاں کھادی عشق دی مار اے، اوہ بن گئے رحم خزینہ

جس یار توں جندڑی واری لبھی اوس حقیقت ساری
تابع ہوندی خلقت ساری گھر بیٹھا ای ویکھے مدینہ

قادری رو رو عرض گذارے، ملک عرب دے ملن نظارے
پاک نبیؐ دے بیٹھ دوارے، ویکھاں دلبر نوں روزینہ