نعت بحضور سرورکائناتﷺ
(بر استدعا حاضری مدینہ )
’’ٹھنڈی ٹھنڈی وگنی اے پرے دی ہوائے نی
آکھیں نبیؐ پاک تائیں سانوں وی بلائے نی‘‘
رو رو کے یاداں وچ زندگی گذاری ہَے
اللہ جانے ساڈی کیوں نہیں آئوندی پئی واری ہَے
دیر بڑی ہوئی، دل روندا زار و زاری اے
محبوب نوں آکھیں ہن دیر نہ اوہ لائے نی
جاگے ایہہ نصیبا میرا روضے اُتے جاواں میں
اوتھے جد جاواں فیر مڑ کے نہ آواں میں
گل وچ پلڑا پا کے سائیں نوں مناواں میں
محبوب نوں آکھیں ہن جلد بلائے نی
دل بے قرار ہویا تیرے انتظار وچ
عجب نظارہ ڈٹھا آقاؐ تیرے پیار وچ
ساقی دا میخانہ کھلا طیبہ دے بازار وچ
جام بھر دلبر سب نوں پلائے نی
قادری دی ہر ویلے ایہو ای صدا ہَے
پاک مدینے رب دیوے پہنچا ہَے
آقاؐ دیاں قدماں چ مل جاوے جاء ہے
ساریاں ای دکھاں کولوں جان چھٹ جائے نی

ک:
کون ہے ہے یار دلدار میرا مینوں کس دی یاد ستاندی اے
کسدے ہجر نے مار مکایا ! اے الفت کسدی پئی تڑپاوندی
بھٹی ذات ہے یار دلدار میرا جان اوسے دے گیت پئی گائوندی اے
اقبال ؔ جس بیڑی دا بھٹی ملاح ہووے بلا خوف خطرے لنگ جاوندی اے