1689954541792_56117106
Not Available Free
41
ماڑی والیا رحمۃ اللہ علیہ
ماڑی والیا موڑ مہار وے
موڑ مہار، آ مل ہک وار وے
اُڈ وے کاواں کول سجن دے جاویں
میڈا جا کے رو رو حال سناویں
دکھاں کیتا بہت آزار وے
ماڑی والیا موڑ مہار وے
درد دکھاں دی ماری ہاں میں
کردی نت تیاری ہاں میں
سد کول مینوں ہک وار وے
ماڑی والیا موڑ مہار واے
رکھیاں تاہنگاں یار بلاسی
کدی تے میں تتڑی دے بھاگ جگاسی
نت روندی ہاں زار و نزار وے
ماڑی والیا موڑ مہار وے
اُڑ وے کاواں جا بیٹھ سجن دی بیری
دسیں جا کے کل حقیقت میری
بہت اداس تساڈی بیمار وے
ماڑی والیا موڑ مہار وے
درد دُکھاں نے گھیرا پایا
باہجھ سجن کسے دُکھ نہ ونڈایا
احسان تیرا لکھ ہزار وے
ماڑی والیا موڑ مہار وے
ماڑی دے وچ یار نے جھوکاں لایاں
آ مل ماہی اکھیاں ہن ترہایاں
ایہہ ہویاں بہت لاچار وے
ماڑی والیا موڑ مہار وے
جاندیا راہیا میرا پیغام لے جاویں
ڈھول میرے نوں بہت سلام ولاویں
دل ہویا بہوں بے قرار وے
ماڑی والیا موڑ مہار وے
رب کرے جئے میں ماڑی جاواں
ویکھ سجن نوں دل دیاں سکاں لاواں
تیر ہویا کلیجوں پار وے
ماڑی والیا موڑ مہار وے
ماڑی دے وچ بنیاں بہاراں
ہر پاسے دسدیاں ہُن گلزاراں
کدی میں غریب نوں سد مار وے
ماڑی والیا موڑ مہار وے
قادری خواجہ اُتوں جندڑی وارے
نالے رو رو عرض گزارے
دیہو بخش خطا ہاں اوگنہگار وے
ماڑی والیا موڑ مہار وے
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |