وچھوڑا
(آنحضور قبلہ صوفی محمد اصغر صاحب رینجرز والے آف جہلم شریف والوں کے جانے کے بعد یہ نظم تحریر میں آئی)
ٹُر گئے کر کے مندڑا حال
وسدے ہاسے سجناں نال
سجناں باہجھوں دل کرلاندا
رو رو ہاڑے ترلے پاندا
ماہی جلدی مکھ وکھال
ٹُر گئے کر کے مندڑا حال

ماہی ساڈا سب توں سوہنا
لے گیا ہاسے، دے گیا رونا
رو رو غم تھیں ہوئے نڈھال
ٹُر گئے کر کے مندڑا حال

دلبر سانوں چھوڑ سدھارے
جوں رانجھا گیا تخت ہزارے
روندی رہ گئی ہیر سیال
ٹُر گئے کر کے مندڑا حال

سجن سانوں کملی کیتا
ٹر گیا چھڈ کے چپ چپیتا
رو رو کھلے سر دے وال
ٹُر گئے کر کے مندڑا حال

قادری سائیںؔ دے نال جے ویندے
کدی ناں اتنے دُکھڑے پیندے
مکدے فیر سارے جنجال
ٹُر گئے کر کے مندڑا حال